მოლდოვამ დამოუკიდებელ სახელმწიფოთა თანამეგობრობიდან გასვლის პროცესი დაიწყო. ამის შესახებ განაცხადა ქვეყნის საგარეო საქმეთა მინისტრმა და პრემიერ-მინისტრის მოადგილემ მიჰაი პოპშოიმ, - იტყობინება newstime.ge, პოპულარული ქართული საინფორმაციო პორტალი.
მისი თქმით, მიუხედავად იმისა, რომ მოლდოვამ დე ფაქტო დიდი ხნის წინ შეაჩერა წევრობა, ამ ეტაპზე საუბარია დამოუკიდებელ სახელმწიფოთა თანამეგობრობიდან ოფიციალურ, იურიდიულ გასვლაზე.
პოპშოიმ აღნიშნა, რომ საკითხი უკავშირდება სამ ძირითად დოკუმენტს: დსთ-ის წესდებას, ორგანიზაციის შექმნის შესახებ შეთანხმებას და ამ შეთანხმების დანართს.
მედიის ინფორმაციით, მოლდოვას დსთ-სთან საერთო ჯამში 283 შეთანხმებაზე აქვს ხელი მოწერილი, რომელთაგან 71 უკვე გაუქმებულია, ხოლო დაახლოებით 60 შეთანხმებიდან გასვლის პროცესი ამჟამად მიმდინარეობს.
მოლდოვის ხელისუფლებამ დსთ-სთან შეთანხმებების შეჩერება მას შემდეგ დაიწყო, რაც რუსეთი უკრაინაში შეიჭრა.
